La
Selmana de les Lletres Asturianes vien celebrándose dende 1980 na primer selmana del mes de mayu, y dende 1989 solía tar consagrada a un autor o autora importante de la lliteratura asturiana, si bien la XXVI Selmana de les Lletres (2005) ruempe con esta tradición al tar dedicada a la Poesía, daqué que se caltuvo tamién nel 2006, añu nel que tuvo dedicada al Teatru.
La
Selmana de les Lletres carauterízase por ser una fecha
señalada pa munches instituciones y estayes estremaes. Asina, los
profesores de llingua y lliteratura asturiana avecen a adaptar les
sos clases al autor al que tea dedicada la selmana, y les autoridaes autonómiques implíquense na
defensa del idioma. Asina ye que dende los caberos años vienen
celebrándose recitales de poesía na Xunta Xeneral o repartos de llibros o DVDs de baldre.
El Gobiernu del Principáu esti añu dedico la Selmana de les Lletres Asturianaes a los autores de la illustración, n'especial a Benitu de l’Auxa y Antón Balvidares que son dos
escritores de la nomada ‘xeneración del mediu sieglu’. Cohesionados en
redol a la figura de Xovellanos y del grupu de los ‘Bableferidos’,
dambos asumieron la visión renovadora y crítica que suponía l’espíritu
illustráu y al traviés d’un refináu cultivu lliterariu en llingua
asturiana enfrentaron les formes del Antiguu Réxime dominante nesos
momentos del XVIII y que duraría hasta entamos del XIX.
Les actividaes d'esta selmana van desenvolvese en Xixón y Grau, el día 30. N’Uviéu y
Candás el 2 de mayu. En Sariegu el 3 de mayu. En Sariegu y Santalla
d’Ozcos el 4 de mayu.
El 4 de mayu, Día de les Lletres Asturianes, llibreríes de toa
Asturies ufiertan un 10% de descuentu al mercar llibros y música y
regalen, mentantu haya dellos, exemplares del llibru
Al rodiu de la poesía ilustra
El sábadu 28 d'abril foi la fecha escoyida pola Xunta pola Defensa de la
Llingua Asturiana pa organizar la 24.ª edición del Conciertu pola
Oficialidá.
El Conciertu pola Oficialidá nació fai ventitrés años
como una iniciativa solidaria pa la financiación de les movilizaciones
de la Xunta pola Defensa de la Llingua Asturiana. D'entós p'acá, la
participación de los meyores grupos asturianos y l’asistencia masiva de
públicu un añu tres d'otru, convirtiéronlu nun referente ineludible nel
panorama musical del país.
La edición d’esti añu destacó pola diversidá y la heteroxeneidá de los grupos participantes. Les entraes tuvieren un preciu de 8 € si se merca anticipadamente, y de 10 € el mesmu día del Conciertu.
El Conciertu pola Oficialidá ye un eventu
folixero-reivindicativu nel que los meyores grupos musicales asturianos
collaboraren de forma desinteresada con Xunta Moza.
El Conciertu pola Oficialidá llega esti añu a la so 24 edición coles collaboraciones que vos cuntamos:
- El pianista y cantante Alfredo González acompañáu pola so banda al completu.
- El tríu formáu por Jacobo de Miguel, Michael Lee Wolfe y Mapi Quintana que fusiona la música tradicional col jazz, algamando un soníu vanguardista na escena musical contemporanea.
- La Bandina, formación qu’entemez la música
tradicional, non solo asturiana, con una instrumentación
electro-acústica, colos soníos de raigañu.
- Macadamia, formación heteroxenea de Mieres de recién creación pero que yá tuvo nominada al Premiu al Meyor Cantar 2011 por L’altanera.
- Tuenda, l’inconfundible tríu de folk acústicu formáu por Elías García, Pepín de Muñalén y Xosé Ambás.
- Fala non Caduca, una banda moza de soníos contundentes de rock, ska y funk y lletres reivindicatives.
- Dixebra, formación histórica del movimientu de
reivindicación llingüística qu’esti añu cumple 25 años subida, otra
vuelta, al escenariu del Conciertu pola Oficialidad.
Esti vienres 9 de mayu, Día de les Lletres Asturianes, la Xunta pola
Defensa de la Llingua Asturiana convoca a les siete de la tarde una
manifestación con salida na Estación del Norte d’Uviéu y col lema "Na
Reforma l’Estatutu, L’Asturianu Llingua Oficial". Una movilización
especialmente importante por tar yá en marcha los trámites
parllamentarios pa la reforma l’Estatutu.
manifestación de la llingua
La Xunta pola Defensa de la Llingua Asturiana y Xunta Moza entamaron una
manifestación con salida na Estación del Norte d'Uviéu y final na plaza
Porlier y non nel Teatru Campoamor, como yera vezu. Nesta ocasión,
l'Academia de la Llingua Asturiana (ALLA) celebró’l so actu académicu
nel Teatru Filarmónica, que vivió una gran entrada. Otra novedá foi
l’ausencia de nomamientos institucionales pola situación d’escecionalidá
que vive’l país y apostó por convidar a delles personalidaes de la
cultura asturiana pa que reflexonaren sobre’l futuru del idioma.
